வாடகை கார் ஓட்டுநர்சாவில் மர்மம் தந்தை புகார் & போலீசார் விசாரணை

சேத்தியாத்தோப்பு,மே.14:

சேத்தியாத்தோப்பு நகரில் வாடகை கார் ஓட்டுநர் சாவில் மர்மம் இருப்பதாக அவரது தந்தை போலீசில் புகார்.போலீசார் விசாரணை.சேத்தியாத்தோப்பு  வடக்கு மெயின்ரோட்டில் தர்மலிங்கம் நகரில் வசித்துவருபவர் வெங்கடாசலம் மகன் கண்ணுசாமி(75).இவரது மகன் அன்பில்ராஜன்(36).இவர் சேத்தியாத்தோப்பில் வாடகை கார் ஓட்டுநராக இருந்துவருகிறார்.இந்நிலையில் நேற்றுமுன்தினம் வீட்டை விட்டு வெளியே சென்று வருகிறேன் என்று கூறிச்சென்றவர் வீடுதிரும்பவில்லை.இதனையடுத்து சேத்தியாத்தோப்பில் ஒரு கடைமுன்பாக அன்பில்ராஜன் படுத்து கிடக்கிறார் என்று கேள்விப்பட்ட அவரது தந்தை அங்கு சென்று பார்த்தபோது அவரது மகன் இறந்து கிடப்பதை பார்த்து அதிர்ந்தார்.இது குறித்து சேத்தியாத்தோப்பு போலீசில் எனது மகன் சாவில்  மர்மம் இருக்கிறது, போலீசார் விசாரணை நடத்தவேண்டும் என்று அவர தந்தை கண்ணுசாமி புகாரளித்தார்.புகாரின் அடிப்படையில் போலீசார் பிரேதத்தை கைப்பற்றி விசாரணை செய்து வருகிறார்கள்.


மதுப்பாட்டில் வைத்திருந்தவர்கைது

சேத்தியாத்தோப்பு , மே.14:

சேத்தியாத்தோப்பு அருகே கத்தாழை கிராமத்தில் அனுமதியின்றி மதுப்பாட்டில் வைத்திருந்தவரை போலீசார் கைது செய்தனர்.சேத்தியாத்தோப்பு அருகே கத்தாழை கிராமத்தை சேர்ந்தவர் குமாரசாமி மகன் பரசுராமன்(47).இவர் தனது வீட்டின் பின்புறம் எவ்வித அரசு அனுமதியும் இல்லாமல் 50 மதுபாட்டில்களை பதுக்கிவைத்திருந்தார்.இதுப்பற்றி சேத்தியாத்தோப்பு போலீசாருக்கு கிடைத்த ரகசிய தகவலின் அடிப்படையில் காவல் ஆய்வாளர் வீரமணி அதிரடி சோதனை மேற்கொண்டார்.பரசுராமன் வீட்டின் பின்புறம் பதுக்கி வைத்திருந்த 50 மதுப்பாட்டில்களை பறிமுதல் செய்து அவரை கைது செய்த போலீசார் அவர்மேல் வழக்கு பதிந்து விசாரணை செய்து வருகிறார்கள்.